НИКОЛА ТОДОРОСКИ — „ОПСТАНОК“

НИКОЛА ТОДОРОСКИ — „ОПСТАНОК“ | MÜNCHEN

На 5 декември, Минхен е следната станица на Никола Тодороски и неговото стендап-шоу „ОПСТАНОК“. Вечер со приказни, остри забелешки и хумор што ги поврзува луѓето преку она што им е заедничко — секојдневието, навиките и ситуациите во кои сите барем еднаш сме се нашле.

Никола е еден од најпознатите ликови на македонската стендап-сцена, со бројни настапи низ Балканот и Европа. Почитуван од колегите и сакан од публиката, тој е препознатлив по искрениот пристап, актерската изразност и непосредниот однос со публиката. Неговата комедија тргнува од лично доживеани и блиски теми, во кои лесно се препознаваат и пошироките слики на нашиот менталитет.

„ОПСТАНОК“ го претвора познатото во смешно: работите што ги прифаќаме како нормални, малите апсурди што ги повторуваме и противречностите што ги забележуваме кај другите, а потешко кај себе. Преку раскажување и комични пресврти, Никола создава простор и да се насмееме на светот околу нас…